Rububiyah

Rububiyah utawa Tauhid Rububiyah yaiku nyawijekake Allah ing babagan panyiptan, panguwasan lan ngreksa alam. Rububiyah asalé saka tembung basa Arab, yaiku "Rabb" kang ateges bendara utawa gusti. Kanthi tauhid rububiyah, saben wong Islam percaya manawa kang nyipta ngalam donya sak isiné iku namung Allah, kang ngatur lakuné uga Allah, kang paring rejeki marang saben makluk uga Allah, lan namung Allah uga kang nguwasani alam.

Artikel iki bagéyan saka sèri Islam Rukun Islam Sahadat · Salat · Pasa Jakat · Kaji Rukun Iman Allah · Kuran · Malaékat Nabi · Dina Akhir Qada & Qadar Tokoh Islam Mukamad Nabi & Rasul · Sakabat Ahlul Bait Kutha suci Mekkah ·Madinah · Yérusalem Najaf · Karbala · Kufah Kazimain · Mashhad ·Istanbul Riyaya Éjrah · Idul Fitri · Idul Adha · Asyura · Ghadir Khum Arsitèktur Mesjid ·Menara ·Mihrab Ka'bah · Arsitèktur Islam Jabatan Fungsional Khalifah ·Ulama · Imam·Mullah·Ayatullah · Mufti Tèks & Ukum Kuran ·Kadis · Sunah Fiqih · Fatwa · Saréngat Madahab Sunni Kanapi ·Kambali Maliki ·Sapingi Singah Rolas Imam Ismailiyah·Zaidiyah Liyané Ibadi · Khawarij Murji'ah·Mu'taziliyah Delengen uga Portal Islam Indeks perkara Islam

Konsekuensi Tauhid Rububiyah

Anane tauhid rububiyah, banjur ngemu kuwajiban yaiku sawisé anyekseni manawa mung Allah sawiji kang nyipta, nguwasa lan ngreksa ateges kabèh laku kang kagolong ngibadah ing antarané salat, kurban, pasa, kaji, towaf, ndonga/nenuwun, nadar uga mung olèh katujokake minangka ngibadah maring Allah.

Akeh kapracayan wong jawa kang ora patrep karo tauhid rububiyah lan perlu dilurusake, ing antarané sawernaning gugon tuhon, ngramatake papan-papan kang kang kaanggep wingit kaya ta wit gedhé, guwa, gunung, belik/sendhang, segara kidul, petilasan, kuburan para wali, sunan, para ratu lan liyané. Ing papan iku mau akèh manungsa kang padha ngalap rejeki, pangkat lan jodho. Ing kamangka amung Allah kang bisa nyukupi sawernaning panuwun iku.

Pranala njaba

• Almanhaj.com Tauhid Rububiyyah
• Muslim.or.id