Bank Pembangunan Asia

Bank Pembangunan Asia (basa Inggris: Asian Development Bank, ADB) iku sawijining institusi finansial pembangunan multilateral sing didhèdhikasi kanggo ngurangi kamelaratan ing Asia lan Pasifik. Bank iki diadegaké taun 1966 kanthi 31 nagara anggota lan saiki wis ngembang dadi 63 nagara. Bank Pembangunan Asia duwé angkah ngentasaké kamlaratan ing tlatah Asia lan Pasifik. Watara 1,7 milyard jiwa ing tlatah mau kalebu mlarat lan ora duwé aksès marang fasilitas lan layanan sing wigati tumrap kauripan. Wiwit madeg ing taun 1966, ADB kasurung déning inspirasi lan dhèdhikasi kanggo ngundhakaké drajad kauripan rakyat ing Asia lan Pasifik. Kanthi munjeraké invèsmen kanthi wicaksana, lan nyambutgawé bebarengan karo pamaréntah lan péhak liyané, ADB bakal bisa ngentasaké kamlaratan lan mbiyantu nyipta donya sing sing ndunungi bisa gotong royong sajeroning nggayuh kasajahtran sing warata lan langgeng.

Kantor pusat ADB dumunung ing 6 ADB Avenue, Kota Mandaluyong, Metro Manila, Filipina.

ADB duwé akèh kantor ing saindhenging donya.

Organisasi

Kantor Pusat ADB, Metro Manila

Pemimpin paling dhuwur ya iku Dewan Gubernur (basa Inggris: Board of Governors). Anggota Dewan Gubernur dumadi saka wakil saben nagara anggota. Dewan Gubernur, milih rolas anggota Dewan Direktur (basa Inggris: Board of Directors) lan deputi-né. Wolu saka 12 anggota mau asal saka anggota regional (Asia Pasifik) déné sisané saka njaba regional.

Dewan Gubernur uga milih Présidhèn, ya iku pamimpin saka Dewan Direktur lan manajemen ADB. Kapresidhènan duwé mangsa makarya 5 taun lan bisa dipilih manèh. Lumrahé, amarga Jepang minangka salah siji pamegang saham gedhé dhéwé mula Présidhèn ADB iku wong Jepang. Présidhèn yang sekarang ya iku Haruhiko Kuroda, menggantikan Tadao Chino di 2005.

Markas ADB dumunung ing 6 ADB Avenue, Kutha Mandaluyong, Metro Manila, Filipina, lan duwé kantor representatif ing sawatara kutha ing donya. Karyawan ADB kira-kira ana 2.400, asal saka 55 nagara saka 67 nagara anggotané déné punjul separo staff-é warga Filipina.

Proyek misuwur ADB

• Jalur pipa Trans-Afghanistan (AS$3 milyar)
• Proyèk Rekonstruksi lan Rehabilitasi lindhu Gujarat, India (AS$500 yuta)
• Program Kerja Sama Ékonomi Regional Asia Tengah

Nagara anggota

Wewengkon Asia lan Pasifik
Afganistan (1966) Australia (1966) Azerbaijan (1999) Bangladesh (1973) Bhutan (1982) Kamboja (1966) Republik Rakyat Cina (1986) Kapuloan Cook (1976) Fiji (1970) Hong Kong, Cina (1969) India (1966) Indonésia (1966) Jepang (1966) Kazakhstan (1994) Kiribati (1974)	Kyrgyz Republic (1994) Lao PDR (1966) Malaysia (1966) Maladéwa (1978) Kapuloan Marshall (1990) Micronesia (1990) Mongolia (1991) Myanmar (1973) Nauru (1991) Nepal (1966) Niu Selan (1966) Pakistan (1966) Palau (2003) Papua Nugini (1971) Filipina (1966)	Samoa (1966) Singapura (1966) Kapuloan Solomon (1973) Koréa Kidul (1966) Sri Lanka (1966) Taipei, Cina (Taiwan) (1966) Tajikistan (1998) Thailand (1966) Timor Leste (2002) Tonga (1972) Turkmenistan (2000) Tuvalu (1993) Uzbekistan (1995) Vanuatu (1981) Vietnam (1966)
Wewengkon liya
Ostenrik (1966) Bèlgi (1966) Kanadha (1966) Dhènemarken (1966) Finlan (1966) Prancis (1970)	Jerman (1966) Italia (1966) Luxembourg (2003) Walanda (1966) Nurwègen (1966) Portugal (2002)	Spanyol (1986) Swèdhen (1966) Switserlan (1967) Turki (1991) Karajan Bersatu (1966) Amérikah Sarékat (1966)

Pranala njaba

• The ADB website: http://www.adb.org
• ADB Institute: http://www.adbi.org
• Artikel Bank Pembangunan Asia di Wikiapbn