Nanas
| Nanas | |
|---|---|
| |
| Woh nanas ing wité | |
| Klasifikasi ngèlmiah | |
| Karajan: | Plantae |
| Unranked: | Angiosperms |
| Unranked: | Monocots |
| Unranked: | Commelinids |
| Ordho: | Poales |
| Famili: | Bromeliaceae |
| Subfamili: | Bromelioideae |
| Génus: | Ananas |
| Spésies: | A. comosus |
| Jeneng binomial | |
| Ananas comosus (L.) Merr. | |
| Sinonim | |
|
Ananas sativus | |
.jpg)
Nanas (Ananas comosus (L.) Merr.) iku sajenis tetuwuhan tropis kang asalé saka Brazil, Bolivia, lan Paraguay.[1] Tetuwuhan iki kalebu ing familia nanas-nanasan (Famili Bromeliaceae).[1] Prawakan (habitus) tetandurané cendhèk, herba (taunan) mawa 30 utawa luwih godhong kang dawa, pucuké lancip, kasusun ing wangun rosèt nglilingi watang kang kandel. Wohé ing basa Inggris diarani pineapple amarga wanguné kang kaya wit pinus.[1] Jeneng 'nanas' asalé saka pangaranan wong Tupi kanggo who iki: anana, kang tegesé "woh kang becik banget".[1] Manuk pangisep madu (hummingbird) wujud panyerbuk alamiyah woh iki, sanadyan manéka gegremet uga duwé peran kang padha.[1]
Woh nanas kaya kang didol wong iku dudu woh sajati, nanging gabungan woh-woh sajati (tilasé katon saka saben 'sisik' ing kulit wohé) kang sajeroning perkembangané kagabung—bebarengan karo tongkol (spadix) kembang majemuk—dadi sak'woh' gedhér.[1] Nanas kang dibudidayakaké wong wis kèlangan kamampuan tangkar-tumangkar kanthi sèksual, nanging nanas ngembangaké tuwuhan enom (pérangan 'makutha' woh) kang wujud srana tangkar-tumangkar kanthi vegetatif.[1]
Ing Indonésia, provinsi Lampung wujud laladan nenandur nanas utama, kanthi sapérangan pabrik pangolahan nanas kang uga ana ing kono.[1]
Khasiat
besutNanas ngandhut serat kang akèh, sehingga bisa nambani sembelit.[1] kandhutan nanas iki manfaat banget kanggo wong kang lagi bebelen.[1] Nanas bisa dadi obat pencahar (bebelen).[1]
Nanas uga bisa marakaké awak dadi 'langsing, nyilikaké weteng, lan ngurangi ''obésitas''.[1]
Nanas asalé saka nagari Samba, Brasil.[1] Nanas bisa nglunturaké lemak ing awak.[1] Mangan nanas bisa ndadèkaké awak langsing lan singset.[1]
Kulit nanas kang kaya sisik emas iki bisa ngundhakaké sistem pertahanan tubuh.[1] Nanas uga ngandhut vitamin A, vitamin C, kalsium, fosfor, magnesium, besi, natrium, kalium, dekstrosa, sukrosa, lan énzim bromelain.[1] Zat-zat mau bisa nambani lelara kaya ta ''tumor'', ''aterosklerosis'' (penyempitan pembuluh darah), lan béri-béri.[1] Nanas uga duwé zat antioksidan kang bisa ngundhakaké imun lan ncegah penuaan dini.[2]
Efek samping
besutSaliyané nduwé khasiat, nanas uga nduwé éfék samping.[2]
- Bisa nggugurké kandhutan.[2] Nanas nom duwé poténsi dadi abortivum utawa obat kang bisa nggugurké kandhutan.[2] Mulané nanas lumrahé kerep kanggo obat yèn telat menstruasi.[2] Wong wadon kang lagi meteng luwih becik ora mangan nanas nom.[2]
- Marakaké rématik ing saluran cerna, woh nanas yèn ngalami prosès fermentasi bisa dadi alkohol.[4] Iki bisa ndadékaké rématik. Wong kang nandang lara rematik lan radhang sendi luwih becik ngurangi mangan nanas.[4]
- Ningkataké gula darah. Nanas kang mateng duwé kadar gula kang dhuwur.[5] Wong kang nandang diabétes luwih becik ora kakéyan mangan nanas.[5]
- Marakaké gatel.[1] Sawisé mangan nanas seger, ilat lan lambe krasa gatel.[1] Kanggo ncegah supaya ora gatel, nanas kang wis dikethok-kethok kudu dikum ing banyu uyah.[1]
Gladri nanas
besut-
nanas subang -
nanas -
nanas bali -
kembang nanas 1 -
kembang nanas 2 -
kembang nanas 3 -
-
wit nanas -
kebon nanas -
-
-
-
-
-
nanas victoria -
woh nanas -
irisan nanas -
warung nanas -
nanas seger -
nanas dobel
Cathetan suku
besut- ↑ a b c d e f g h i j k l m n o p q r s t u [1] Archived 2011-04-26 at the Wayback Machine.(dipunundhuh tanggal 27 April 2011)
- ↑ a b c d e f "Archive copy". Diarsip saka sing asli ing 2010-06-16. Dibukak ing 2011-04-27.
{{cite web}}: CS1 maint: archived copy as title (link) - ↑ a b c d e f g h [2] Archived 2011-06-24 at the Wayback Machine.(dipunundhuh tanggal 27 April 2011)
- ↑ a b [3](dipunundhuh tanggal 27 April 2011)
- ↑ a b [4] Archived 2011-02-07 at the Wayback Machine.(dipunundhuh tanggal 27 april 2011)
Pranala njaba
besut- http://agrolink.moa.my/doa/bdc/fruits/nanas/nanas.html Archived 2005-03-09 at the Wayback Machine.
