ꦏꦧꦸꦥꦠꦺꦤ꧀ꦧꦠꦁ
ꦗꦮ
|
꧋ꦏꦧꦸꦥꦠꦺꦤ꧀ꦧꦠꦁꦲꦶꦏꦸꦏꦧꦸꦥꦠꦺꦤ꧀ꦲꦶꦁꦥꦿꦺꦴꦮ꦳ꦶꦤ꧀ꦱꦶꦗꦮꦠꦼꦔꦃ꧈ꦆꦤ꧀ꦝꦺꦴꦤꦺꦱꦶꦪ꧈ꦲꦶꦏꦸꦏꦧꦸꦥꦠꦺꦤ꧀ꦲꦶꦁꦗꦮꦠꦼꦔꦃ꧈ꦥꦼꦂꦤꦲꦺꦲꦶꦁꦥꦱꦶꦱꦶꦂꦭꦺꦴꦂ꧈ꦏꦸꦛꦧꦠꦁꦲꦶꦏꦸꦏꦸꦛꦏꦿꦗꦤ꧀ꦏꦧꦸꦥꦠꦺꦤꦺ꧈ꦏꦸꦛꦏꦸꦛꦭꦶꦪꦤꦺ:꧈ꦭꦤ꧀ꦭꦶꦪꦭꦶꦪꦤꦺ꧉ꦗꦼꦩ꧀ꦧꦂꦮꦼꦮꦼꦁꦏꦺꦴꦤ꧀ꦏꦧꦸꦥꦠꦺꦤ꧀ꦲꦶꦏꦶ±ꦲꦸꦠꦮꦲꦺꦏ꧀ꦠꦂ꧉
| ꦏꦧꦸꦥꦠꦺꦤ꧀ꦧꦠꦁ كَبُڤَتَينْ بَتَڠْ Kabupaten Batang | ||
|---|---|---|
| ꦏꦧꦸꦥꦠꦺꦤ꧀ | ||
| ||
| Sesanti: ꦧꦠꦁꦧꦼꦂꦏꦼꦩ꧀ꦧꦁ ꦧꦼꦂꦱꦶꦃ꧈ꦏꦼꦚ꧀ꦕꦂꦏꦼꦚ꧀ꦕꦂ꧈ꦲꦺꦪꦸꦧ꧀꧈ꦩꦼꦤꦸꦗꦸꦧꦼꦧꦿꦪꦤ꧀꧈ꦲꦩꦤ꧀꧈ꦢꦤ꧀ꦠꦼꦤꦁ | ||
 ꦥꦼꦂꦤꦲꦺꦧꦠꦁꦲꦶꦁꦗꦮꦠꦼꦔꦃ | ||
| ꦤꦒꦫ |  ꦆꦤ꧀ꦝꦺꦴꦤꦺꦱꦶꦪꦃ | |
| ꦥꦿꦺꦴꦮ꦳ꦶꦤ꧀ꦱꦶ |  ꦗꦮꦠꦼꦔꦃ | |
| ꦢꦶꦤꦢꦢꦶ | ꧇꧑꧔꧇ ꦗꦸꦭꦶ ꧇꧑꧙꧖꧕꧇ | |
| ꦏꦸꦛꦏꦿꦗꦤ꧀ | ꦧꦠꦁ | |
| Pamaréntahan | ||
| • ꦧꦸꦥꦠꦶ | ꦲ. ꦮꦶꦲꦗꦶ, ꦱ.ꦄꦒ., ꦩ.ꦥꦢ. | |
| Laladan | ||
| • Gunggung | 788,64 km2 (30,450 sq mi) | |
| Cacah warga (ꦱꦺꦤ꧀ꦱꦸꦱ꧀ 2010) | ||
| • Gunggung | 706,764 | |
| • Pepadhet | 9,0/km2 (23/sq mi) | |
| ꦧꦼꦧꦿꦪꦤ꧀ | ||
| • ꦮꦺꦴꦁ | ꦗꦮ, ꦄꦫꦧ꧀, ꦕꦶꦤ, ꦆꦤ꧀ꦢꦶꦪ ꦭꦤ꧀ꦭꦶꦪꦭꦶꦪ | |
| • ꦧꦱ | ꦗꦮ ꦭꦤ꧀ ꦆꦤ꧀ꦝꦺꦴꦤꦺꦱꦶꦪꦃ | |
| • ꦄꦒꦩ | ꦆꦱ꧀ꦭꦩ꧀, ꦏꦿꦶꦱ꧀ꦠꦼꦤ꧀ꦥꦿꦺꦴꦠꦺꦱ꧀ꦠꦤ꧀, ꦏꦠꦸꦭꦶꦏ꧀, ꦧꦸꦢ꧀ꦝ, ꦲꦺꦴꦤ꧀ꦝꦸ | |
| Zona wektu | ꦮꦆꦏ (UTC+7) | |
| Kodhe laladan | (+62) 0285 (ꦏꦸꦭꦺꦴꦤ꧀) (+62) 0294 (ꦮꦺꦠꦤ꧀) | |
| Situs wèb | www (ing basa Indonésia) | |
ꦠꦺꦴꦥꦺꦴꦩꦶꦤꦶ
besut꧋ꦤꦭꦶꦏꦗꦩꦤ꧀ꦢꦶꦱꦶꦏ꧀꧈ꦱꦸꦭ꧀ꦠꦤ꧀ꦄꦒꦸꦁꦔꦸꦠꦸꦱ꧀ꦗꦏꦧꦲꦸꦱꦸꦥꦪꦧꦧꦣ꧀ꦲꦭꦱ꧀ꦫꦺꦴꦧꦤ꧀꧈ꦗꦏꦧꦲꦸꦔ꧀ꦭꦏ꧀ꦱꦤꦏꦏꦺꦢꦮꦸꦲꦺꦱꦸꦭ꧀ꦠꦤ꧀ꦄꦒꦸꦁ꧈ꦧꦚ꧀ꦗꦸꦂꦤꦶꦁꦒꦭ꧀ꦩꦠꦫꦩ꧀ꦠꦸꦩꦸꦗꦸꦲꦭꦱ꧀ꦫꦺꦴꦧꦤ꧀꧈ꦤꦔꦶꦁꦤꦭꦶꦏꦗꦏꦧꦲꦸꦲꦶꦱꦶꦃꦧꦧꦣ꧀ꦲꦭꦱ꧀ꦫꦺꦴꦧꦤ꧀ꦩꦻꦴꦲꦏꦺꦃꦒꦁꦒꦸꦮꦤ꧀ꦱꦶꦁꦢꦶꦲꦭꦩꦶ꧈ꦢꦺꦮꦺꦏꦺꦧꦚ꧀ꦗꦸꦂꦔ꧀ꦭꦏꦺꦴꦤꦶꦠꦥꦏꦁꦒꦺꦴꦔ꧀ꦒꦺꦴꦭꦺꦏꦶꦲꦥꦥꦼꦚꦼꦧꦧꦺ꧉ꦱꦤꦭꦶꦏꦢꦺꦮꦺꦏꦺꦩꦔꦺꦂꦠꦺꦤꦶꦩꦤꦮꦱꦶꦁꦔ꧀ꦒꦁꦒꦸꦪꦲꦶꦏꦸꦊꦊꦩ꧀ꦧꦸꦠ꧀ꦱꦶꦁꦢꦶꦥꦁꦒꦺꦢꦺꦤꦶꦢꦺꦤꦶꦁꦢꦝꦸꦔꦮꦸꦏ꧀꧈ꦗꦏꦧꦲꦸꦧꦚ꧀ꦗꦸꦂꦚꦼꦫꦁꦢꦝꦸꦔꦮꦸꦏ꧀꧈ꦢꦝꦸꦔꦮꦸꦏ꧀ꦲꦏ꦳ꦶꦫꦺꦧꦶꦱꦢꦶꦏꦭꦲꦏꦺꦢꦺꦤꦶꦁꦗꦏꦧꦲꦸꦭꦤ꧀ꦗꦚ꧀ꦗꦶꦲꦺꦴꦫꦧꦏꦭ꧀ꦒꦁꦒꦸꦗꦏꦧꦲꦸꦭꦤ꧀ꦥꦿꦗꦸꦫꦶꦠꦺ꧉
꧋ꦗꦏꦧꦲꦸꦧꦚ꧀ꦗꦸꦂꦔ꧀ꦭꦚ꧀ꦗꦸꦠꦏꦺꦲꦁꦒꦺꦴꦤꦺꦧꦧꦣ꧀ꦲꦭꦱ꧀ꦫꦺꦴꦧꦤ꧀ꦠꦸꦩꦸꦗꦸꦲꦫꦃꦏꦸꦭꦺꦴꦤ꧀ꦔꦤ꧀ꦠꦶꦠꦼꦏꦤ꧀ꦏꦭꦶꦏꦿꦩꦠ꧀꧈ꦗꦏꦧꦲꦸꦧꦚ꧀ꦗꦸꦂꦩꦶꦏꦶꦂꦲꦉꦥ꧀ꦒꦮꦺꦧꦼꦤ꧀ꦢꦸꦔꦤ꧀ꦲꦶꦁꦏꦭꦶꦲꦶꦏꦸꦏꦁꦒꦺꦴꦔꦶꦭꦺꦤꦶꦱꦮꦃꦱꦮꦃ꧉ꦱꦮꦶꦱꦺꦫꦩ꧀ꦥꦸꦁꦪꦱꦧꦼꦤ꧀ꦢꦸꦔꦤ꧀ꦲꦤꦏꦼꦲꦤꦺꦲꦤ꧀ꦲꦶꦁꦲꦶꦭꦶꦤꦶꦁꦧꦚꦸꦧꦼꦤ꧀ꦢꦸꦔꦤ꧀ꦲꦶꦏꦸ꧉ꦧꦚꦸꦆꦏꦸꦏꦢꦁꦩꦶꦭꦶꦕꦶꦭꦶꦏ꧀꧈ꦏꦢꦁꦲꦸꦒꦒꦼꦝꦺ꧉ꦔꦤ꧀ꦠꦶꦲꦶꦁꦱꦮꦶꦗꦶꦤꦶꦁꦣꦶꦤꦧꦼꦤ꧀ꦢꦸꦔꦤ꧀ꦲꦶꦏꦸꦗꦼꦧꦺꦴꦭ꧀꧈ꦗꦏꦧꦲꦸꦧꦚ꧀ꦗꦸꦂꦔ꧀ꦒꦺꦴꦭꦺꦏꦶꦥꦼꦚꦼꦧꦧꦺ꧉ꦥꦿꦚꦠꦲꦤꦕꦒꦏ꧀ꦥꦿꦻꦴꦒꦼꦝꦺꦱꦶꦁꦩꦭꦁꦲꦶꦁꦧꦼꦤ꧀ꦢꦸꦔꦤ꧀ꦥꦿꦗꦸꦫꦶꦠ꧀ꦗꦏꦧꦲꦸꦲꦺꦴꦫꦲꦤꦱꦶꦁꦧꦶꦱꦚꦶꦁꦏꦶꦫꦏꦺꦕꦒꦏ꧀ꦲꦶꦏꦸ꧉ꦧꦚ꧀ꦗꦸꦂꦗꦏꦧꦲꦸꦔ꧀ꦭꦏꦺꦴꦤꦺꦴꦱꦼꦩꦺꦢꦶꦚ꧀ꦗꦭꦸꦏ꧀ꦏꦏꦸꦮꦠꦤ꧀ꦱꦸꦥꦪꦧꦶꦱꦚꦶꦁꦏꦶꦫꦏꦺꦕꦒꦏ꧀ꦥꦿꦻꦴꦲꦶꦏꦸꦩꦻꦴ꧉
꧋ꦮꦼꦏ꧀ꦠꦸꦲꦶꦏꦸꦩꦭꦺꦩ꧀ꦗꦼꦩꦸꦮꦃꦏ꧀ꦭꦶꦮꦺꦴꦤ꧀꧈ꦤꦭꦶꦏꦥ꦳ꦗꦂ꧈ꦗꦏꦧꦲꦸꦲꦺꦴꦭꦺꦃꦏꦏꦸꦮꦠꦤ꧀ꦏꦁꦢꦶꦏꦫꦺꦥꦏꦺ꧉ꦗꦏꦧꦲꦸꦧꦶꦱꦚꦶꦁꦏꦶꦫꦏꦺꦕꦒꦏ꧀ꦥꦿꦻꦴꦆꦏꦸꦩꦭꦃꦧꦚ꧀ꦗꦸꦂꦣꦶꦠꦸꦒꦺꦭ꧀ꦥꦶꦱꦤ꧀꧈
꧋ꦱꦮꦶꦱꦺꦕꦒꦏ꧀ꦥꦿꦻꦴꦲꦶꦏꦸꦠꦸꦒꦺꦭ꧀꧈ꦲꦶꦭꦶꦤꦶꦁꦧꦚꦸꦢꦝꦶꦭꦚ꧀ꦕꦂ꧉ꦤꦔꦶꦁꦲꦶꦁꦱꦮꦶꦗꦶꦤꦶꦁꦢꦶꦤꦲꦤꦒꦁꦒꦸꦮꦤ꧀ꦩꦤꦺꦃ꧉ꦧꦼꦤ꧀ꦢꦸꦔꦤ꧀ꦲꦶꦏꦸꦗꦼꦧꦺꦴꦭ꧀ꦩꦤꦺꦃ꧉ꦗꦏꦧꦲꦸꦲꦺꦴꦫꦔ꧀ꦭꦺꦴꦏꦿꦺꦴꦲꦁꦒꦺꦴꦤꦺꦔ꧀ꦒꦺꦴꦭꦺꦏꦶꦥꦼꦚꦼꦧꦧꦺ꧉ꦗꦏꦧꦲꦸꦧꦚ꧀ꦗꦸꦂꦩꦔꦺꦂꦠꦺꦤꦶꦩꦤꦮꦲꦶꦁꦧꦼꦤ꧀ꦢꦸꦔꦤ꧀ꦲꦶꦏꦸꦲꦤꦒꦥꦸꦫꦢꦸꦮꦺꦏꦼꦧꦁꦱꦊꦊꦩ꧀ꦧꦸꦠ꧀ꦏꦁꦲꦮꦸꦗꦸꦣ꧀ꦲꦸꦭ꧉ꦏꦫꦗꦤ꧀ꦊꦊꦩ꧀ꦧꦸꦠ꧀ꦲꦶꦏꦸꦢꦶꦥꦁꦒꦼꦝꦺꦤꦶꦢꦺꦤꦶꦁꦢꦿꦸꦧꦶꦏ꧀ꦱ꧉ꦗꦏꦧꦲꦸꦲꦺꦴꦫꦠꦿꦶꦩꦩꦤꦮꦧꦼꦤ꧀ꦢꦸꦔꦤ꧀ꦱꦶꦁꦢꦶꦒꦮꦺꦢꦺꦮꦺꦏꦺꦢꦶꦫꦸꦱꦏ꧀ꦢꦺꦤꦶꦁꦢꦿꦸꦧꦶꦏ꧀ꦱ꧉ꦢꦺꦮꦺꦏꦺꦔꦩꦸꦏ꧀ꦲꦤꦲꦶꦁꦏꦫꦗꦤ꧀ꦝꦿꦸꦧꦶꦏ꧀ꦱꦭꦤ꧀ꦥꦿꦗꦸꦫꦶꦠ꧀ꦝꦿꦸꦧꦶꦏ꧀ꦱꦲꦏꦺꦃꦱꦶꦁꦤꦼꦩꦲꦶꦥꦠꦶ꧉
꧋ꦩꦔꦼꦂꦠꦺꦤꦶꦧꦧ꧀ꦩꦻꦴ꧈ꦢꦿꦸꦧꦶꦏ꧀ꦱꦲꦺꦴꦫꦠꦿꦶꦩ꧉ꦢꦺꦮꦺꦏꦺꦧꦚ꧀ꦗꦸꦂꦥꦼꦫꦁꦏꦫꦺꦴꦗꦏꦧꦲꦸ꧉ꦔꦁꦒꦺꦴꦥꦼꦢꦁꦱ꧀ꦮꦼꦢꦁꦢꦺꦮꦺꦏꦺꦧꦚ꧀ꦗꦸꦂꦚꦼꦫꦁꦗꦏꦧꦲꦸ꧉ꦲꦩꦂꦒꦱꦏꦏꦱꦺꦏ꧀ꦠꦺꦤꦺꦥꦼꦢꦁꦱ꧀ꦮꦼꦢꦁꦲꦶꦏꦸꦩꦻꦴ꧈ꦗꦏꦧꦲꦸꦧꦶꦱꦢꦶꦏꦭꦲꦏꦺ꧈ꦢꦺꦮꦺꦏꦺꦏꦼꦤꦱꦧꦼꦠꦤ꧀ꦥꦼꦢꦁꦲꦶꦁꦊꦔꦼꦤ꧀ꦭꦤ꧀ꦮꦼꦠꦼꦔꦺꦤꦔꦶꦁꦲꦺꦴꦫꦔꦤ꧀ꦠꦶꦤꦼꦩꦲꦶꦥꦠꦶꦲꦩꦂꦒꦢꦶꦱꦼꦭꦩꦼꦠꦏꦺꦢꦺꦤꦶꦁꦏꦶꦄꦒꦼꦁꦕꦼꦩ꧀ꦥꦭꦸꦏ꧀꧈ꦩꦔꦺꦂꦠꦺꦤꦶꦢꦺꦮꦺꦏꦺꦏꦔꦺꦭꦤ꧀ꦲꦁꦒꦺꦴꦤꦺꦔ꧀ꦭꦮꦤ꧀ꦫꦠꦸꦈꦭꦶꦁ꧈ꦧꦲꦸꦫꦺꦏ꧀ꦱꦒꦮꦺꦱꦶꦪꦱꦠ꧀꧈ꦢꦺꦤꦶꦁꦏꦶꦄꦒꦼꦁꦕꦼꦩ꧀ꦥꦭꦸꦏ꧀꧈ꦗꦏꦧꦲꦸꦢꦶꦥꦿꦺꦤ꧀ꦠꦃꦱꦸꦥꦪꦭꦸꦩꦼꦧꦸꦲꦶꦁꦏꦼꦥꦸꦠꦿꦺꦤ꧀ꦏꦫꦗꦤ꧀꧈ꦢꦺꦮꦺꦏꦺꦢꦶꦥꦿꦺꦤ꧀ꦠꦃꦱꦸꦥꦪꦔꦿꦪꦸꦄꦢꦶꦤꦺꦢꦿꦸꦧꦶꦏ꧀ꦱꦏꦁꦲꦫꦤ꧀ꦢꦿꦸꦧꦶꦏ꧀ꦱꦮꦠꦶꦱꦸꦥꦪꦒꦼꦊꦩ꧀ꦩꦺꦤꦺꦲꦶꦫꦲꦱꦶꦪꦏꦱꦺꦏ꧀ꦠꦺꦤꦺꦏꦏꦔꦺ꧉
꧋ꦢꦿꦸꦧꦶꦏ꧀ꦱꦮꦠꦶꦱꦼꦤꦼꦁꦩꦫꦁꦗꦏꦧꦲꦸ꧉ꦤꦔꦶꦁꦲꦩꦂꦒꦗꦏꦧꦲꦸꦩꦔꦼꦂꦠꦺꦤꦶꦩꦤꦮꦢꦿꦸꦧꦶꦏ꧀ꦱꦮꦠꦶꦲꦢꦶꦤꦺꦢꦿꦸꦧꦶꦏ꧀ꦱ꧉ꦗꦏꦧꦲꦸꦩꦤ꧀ꦥ꦳ꦄꦠ꧀ꦏꦺꦏꦁꦒꦺꦴꦔ꧀ꦒꦺꦴꦭꦺꦏꦶꦏꦼꦊꦩꦲꦤꦺꦢꦿꦸꦧꦶꦏ꧀ꦱ꧉ꦏꦤ꧀ꦛꦶꦱꦾꦫꦠ꧀ꦗꦏꦧꦲꦸꦒꦼꦊꦩ꧀ꦤꦩ꧀ꦥꦠꦿꦼꦱ꧀ꦤꦤꦺ꧈ꦢꦿꦸꦧꦶꦏ꧀ꦱꦮꦠꦶꦧꦚ꧀ꦗꦸꦂꦒꦼꦊꦩ꧀ꦩꦺꦤꦺꦲꦶꦥꦶꦠꦸꦢꦸꦃꦫꦲꦱꦶꦪꦏꦼꦏꦸꦮꦠꦤꦺꦏꦁꦩꦱꦺ꧉ꦢꦿꦸꦧꦶꦏ꧀ꦱꦮꦠꦶꦚꦺꦴꦭꦺꦴꦁꦥꦼꦢꦁꦱ꧀ꦮꦼꦢꦁꦏꦁꦲꦺꦴꦫꦭꦶꦪꦪꦲꦶꦏꦸꦱꦸꦩ꧀ꦧꦼꦂꦏꦏꦸꦮꦠꦤꦺꦣꦢꦿꦸꦧꦶꦏ꧀ꦱ꧉
꧋ꦱꦮꦶꦱꦺꦗꦏꦧꦲꦸꦲꦺꦴꦭꦺꦃꦥꦼꦢꦁꦩꦻꦴ꧈ꦢꦺꦮꦺꦏꦺꦧꦚ꧀ꦗꦸꦂꦔ꧀ꦒꦺꦴꦭꦺꦏꦶꦢꦿꦸꦧꦶꦏ꧀ꦱ꧉ꦗꦏꦧꦲꦸꦭꦤ꧀ꦢꦿꦸꦧꦶꦏ꧀ꦱꦄꦏ꦳ꦶꦫꦺꦥꦼꦫꦁꦠꦤ꧀ꦢꦶꦁ꧉ꦩꦔꦼꦂꦠꦺꦤꦶꦩꦤꦮꦥꦼꦢꦩ꧀ꦒ꧀ꦱ꧀ꦮꦼꦢꦁꦲꦤꦲꦶꦁꦠꦔꦤꦺꦗꦏꦧꦲꦸ꧈ꦢꦿꦸꦧꦶꦏ꧀ꦱꦮꦼꦢꦶꦭꦤ꧀ꦭꦸꦩꦪꦸꦩꦼꦔꦭꦺꦴꦂ꧉ꦗꦏꦧꦲꦸꦔꦼꦗꦂꦭꦤ꧀ꦧꦶꦱꦚꦼꦏꦼꦭ꧀ꦢꦿꦸꦧꦶꦏ꧀ꦱ꧉ꦢꦿꦸꦧꦶꦏ꧀ꦱꦗꦚ꧀ꦗꦶꦲꦺꦴꦫꦧꦏꦭ꧀ꦔ꧀ꦒꦁꦒꦸꦩꦤꦸꦁꦱꦩꦤꦺꦃꦭꦤ꧀ꦢꦶꦮꦺꦤꦺꦲꦶꦥꦺꦫꦔꦤ꧀ꦲꦶꦁꦲꦭꦱ꧀ꦫꦺꦴꦧꦤ꧀ꦱꦶꦱꦶꦃꦭꦺꦴꦂ꧉
꧋ꦤꦭꦶꦏꦗꦏꦧꦲꦸꦭꦤ꧀ꦢꦿꦸꦧꦶꦏ꧀ꦱꦕꦼꦕꦠꦸꦫꦤ꧀꧈ꦥꦼꦢꦁꦱ꧀ꦮꦼꦢꦁꦩꦻꦴꦢꦶꦱꦺꦭꦺꦲꦏꦺꦲꦶꦁꦥꦶꦁꦒꦶꦂꦏꦭꦶꦱꦶꦁꦥꦸꦤꦶꦏꦁꦏꦁꦢꦶꦲꦫꦤꦶꦢꦁ꧈ꦧꦚ꧀ꦗꦸꦂꦥꦥꦤ꧀ꦲꦶꦏꦸꦢꦶꦗꦼꦤꦼꦔꦶꦏ꧀ꦭꦶꦢꦁ꧉ꦱꦲꦶꦏꦶꦮꦼꦱ꧀ꦲꦺꦴꦫꦲꦤꦩꦤꦺꦃꦱꦶꦁꦔ꧀ꦒꦁꦒꦸꦗꦏꦧꦲꦸꦔꦿꦩ꧀ꦥꦸꦔꦏꦺꦧꦼꦤ꧀ꦢꦸꦔꦤ꧀ꦩꦻꦴ꧉ꦠꦸꦒꦱ꧀ꦗꦏꦧꦲꦸꦚꦶꦪꦥꦏꦺꦥꦥꦤ꧀ꦏꦁꦒꦺꦴꦥꦫꦏꦢꦁꦠꦤꦶꦲꦶꦁꦲꦭꦱ꧀ꦫꦺꦴꦧꦤ꧀ꦮꦶꦱ꧀ꦥꦫꦶꦥꦸꦂꦤ꧉
꧋ꦲꦮꦶꦠ꧀ꦱꦏꦏꦼꦩꦼꦤꦤꦒꦤ꧀ꦗꦏꦧꦲꦸ꧈ꦥꦫꦮꦂꦒꦱꦏꦶꦮꦠꦼꦔꦼꦤꦺꦏꦭꦶꦫꦸꦩꦁꦱꦱꦼꦤꦼꦁꦧꦚ꧀ꦗꦸꦂꦒꦮꦺꦱꦾꦸꦏꦸꦫꦤ꧀꧈ꦱꦾꦸꦏꦸꦫꦤ꧀ꦲꦶꦏꦸꦢꦶꦗꦼꦤꦼꦔꦶꦭꦺꦴꦩ꧀ꦧꦤ꧀꧈ꦭꦤ꧀ꦭꦺꦴꦩ꧀ꦧꦤ꧀ꦲꦶꦏꦸꦩꦻꦴꦢꦶꦢꦝꦺꦏꦏꦺꦠꦿꦝꦶꦱꦶꦮꦂꦒꦏ꧀ꦭꦶꦢꦁꦱꦼꦠꦲꦸꦤ꧀ꦥꦶꦱꦤ꧀ꦲꦶꦁꦠꦁꦒꦭ꧀꧇꧑꧇ꦱꦾꦮꦭ꧀꧈
꧋ꦲꦮꦶꦠ꧀ꦱꦏꦏꦼꦩꦼꦤꦔꦤ꧀ꦗꦏꦧꦲꦸ꧈ꦱꦸꦭ꧀ꦠꦤ꧀ꦄꦒꦸꦁꦧꦚ꧀ꦗꦸꦂꦔꦁꦏꦠ꧀ꦗꦏꦧꦲꦸꦥꦶꦤꦁꦏꦧꦸꦥꦠꦶꦏꦼꦤ꧀ꦝꦭ꧀꧈ꦤꦔꦶꦁꦗꦏꦧꦲꦸꦲꦶꦱꦶꦃꦢꦶꦢꦮꦸꦲꦶꦱꦸꦥꦪꦩꦼꦛꦸꦏ꧀ꦥꦸꦠꦿꦶꦉꦠ꧀ꦤꦺꦴꦫꦤ꧀ꦠꦤ꧀ꦱꦫꦶꦱꦶꦁꦢꦶꦣ꧀ꦠꦶꦥꦏꦺꦲꦶꦁꦢꦺꦱꦏꦭꦶꦱꦭꦏ꧀ꦱꦸꦥꦪꦢꦶꦧꦺꦴꦪꦺꦴꦁꦩꦼꦚꦁꦩꦠꦫꦩ꧀꧈ꦱꦸꦭ꧀ꦠꦤ꧀ꦄꦒꦸꦁꦲꦸꦒꦩꦺꦤꦺꦲꦶꦥꦶꦮꦺꦭꦶꦁꦱꦸꦥꦪꦲꦗꦲꦤꦥꦮꦺꦴꦔꦤ꧀ꦏꦁꦮꦤꦶꦚ꧀ꦗꦸꦥꦸꦏ꧀ꦧꦺꦴꦗꦺꦴꦲꦩꦂꦒꦉꦠ꧀ꦤꦺꦴꦫꦤ꧀ꦠꦤ꧀ꦱꦫꦶꦲꦉꦥ꧀ꦢꦶꦥꦺꦏ꧀ꦧꦺꦴꦗꦺꦴꦱꦸꦭ꧀ꦠꦤ꧀ꦄꦒꦸꦁꦥꦶꦤꦁꦏꦥꦼꦂꦩꦻꦱꦸꦫꦶ꧉ꦗꦏꦧꦲꦸꦧꦚ꧀ꦗꦸꦂꦠꦸꦩꦸꦗꦸꦲꦶꦁꦢꦊꦩꦺꦥꦏ꧀ꦮꦺꦴꦁꦱꦺꦴꦲꦩꦂꦒꦲꦶꦁꦏꦺꦴꦤꦺꦴꦉꦠ꧀ꦤꦺꦴꦫꦤ꧀ꦠꦤ꧀ꦱꦫꦶꦔꦶꦤꦺꦥ꧀꧈ꦱꦮꦶꦱꦺꦗꦏꦧꦲꦸꦔꦠꦸꦫꦏꦺꦩꦏ꧀ꦱꦸꦣ꧀ꦫꦮꦸꦲꦺ꧈ꦥꦏ꧀ꦮꦺꦴꦁꦱꦺꦴꦩꦱꦿꦲꦏꦺꦫꦤ꧀ꦠꦤ꧀ꦱꦫꦶꦩꦫꦁꦗꦏꦧꦲꦸ꧉ꦗꦏꦧꦲꦸꦱꦶꦁꦢꦶꦲꦸꦠꦸꦱ꧀ꦱꦸꦭ꧀ꦠꦤ꧀ꦄꦒꦸꦁꦥꦿꦚꦠꦩꦭꦃꦱꦼꦤꦼꦁꦩꦫꦁꦫꦤ꧀ꦠꦤ꧀ꦱꦫꦶ꧉ꦏꦩꦁꦏꦱꦢꦸꦫꦸꦔꦺꦗꦏꦧꦲꦸꦮꦶꦱ꧀ꦩꦔꦼꦂꦠꦺꦤꦶꦩꦤꦮꦫꦤ꧀ꦠꦤ꧀ꦱꦫꦶꦲꦫꦺꦥ꧀ꦢꦶꦥꦺꦏ꧀ꦧꦺꦴꦗꦺꦴꦢꦺꦤꦶꦁꦱꦸꦭ꧀ꦠꦤ꧀ꦄꦒꦸꦁ꧉ꦤꦔꦶꦁꦉꦠ꧀ꦤꦺꦴꦫꦤ꧀ꦠꦤ꧀ꦱꦫꦶꦲꦸꦒꦱꦼꦤꦼꦁꦩꦫꦁꦗꦏꦧꦲꦸ꧉ꦄꦏ꦳ꦶꦂꦫꦺꦗꦏꦧꦲꦸꦱꦺꦴꦮꦤ꧀ꦩꦫꦁꦏꦶꦄꦒꦼꦁꦕꦼꦩ꧀ꦥꦭꦸꦏ꧀ꦚ꧀ꦗꦭꦸꦏ꧀ꦮꦼꦗꦔꦤ꧀꧈ꦤꦔꦶꦁꦠꦤ꧀ꦥꦱꦼꦔꦗꦲꦶꦁꦢꦺꦱꦏꦭꦶꦧꦼꦭꦸꦏ꧀ꦲꦤꦥꦿꦮꦤ꧀ꦏꦁꦫꦸꦥꦤꦺꦥꦼꦂꦱꦶꦱ꧀ꦏꦫꦺꦴꦉꦠ꧀ꦤꦺꦴꦫꦤ꧀ꦠꦤ꧀ꦱꦫꦶꦗꦼꦤꦼꦁꦔꦺꦌꦤ꧀ꦢꦁꦩꦸꦫꦤ꧀ꦠꦶ꧉
꧋ꦗꦏꦧꦲꦸꦧꦚ꧀ꦗꦸꦂꦩ꧀ꦧꦺꦴꦪꦺꦴꦁꦌꦤ꧀ꦢꦁꦩꦸꦫꦤ꧀ꦠꦶꦩꦼꦚꦁꦩꦠꦫꦩ꧀ꦱꦸꦥꦪꦢꦶꦥꦱꦿꦲꦏꦺꦩꦫꦁꦱꦸꦭ꧀ꦠꦤ꧀ꦄꦒꦸꦁ꧉ꦲꦶꦁꦠꦼꦩ꧀ꦧꦼꦤꦼꦱꦸꦭ꧀ꦠꦤ꧀ꦄꦒꦸꦁꦲꦺꦴꦫꦢꦸꦮꦺꦥꦔꦶꦫꦩꦤꦮꦲꦶꦏꦸꦢꦸꦢꦸꦫꦤ꧀ꦠꦤ꧀ꦱꦫꦶ꧉ꦤꦔꦶꦁꦲꦩꦂꦒꦱꦮꦶꦱꦺꦠꦼꦏꦤ꧀ꦥꦸꦫꦌꦤ꧀ꦢꦁꦩꦸꦫꦤ꧀ꦠꦶꦱꦼꦩꦥꦸꦠ꧀ꦩꦼꦫꦸꦲꦶꦏꦌꦤ꧀ꦢꦁꦲꦤꦶꦁꦥꦸꦫꦧꦚ꧀ꦗꦸꦂꦱꦮꦶꦱꦺꦱꦢꦂꦔꦏꦺꦴꦤꦶꦩꦤꦮꦢꦺꦮꦺꦏꦺꦢꦸꦢꦸꦫꦤ꧀ꦠꦤ꧀ꦱꦫꦶꦤꦔꦶꦁꦌꦤ꧀ꦢꦁꦩꦸꦫꦤ꧀ꦠꦶ꧉ꦱꦸꦭ꧀ꦠꦤ꧀ꦄꦒꦸꦁꦧꦚ꧀ꦗꦸꦂꦢꦸꦏ꧈ꦧꦚ꧀ꦗꦸꦂꦩꦺꦤꦺꦲꦶꦲꦸꦏꦸꦩꦤ꧀ꦠꦸꦩꦿꦥ꧀ꦗꦏꦧꦲꦸꦪꦲꦶꦏꦸꦱꦸꦥꦪꦧꦧꦣ꧀ꦲꦭꦱ꧀ꦒꦩ꧀ꦧꦶꦫꦤ꧀꧈ꦢꦺꦤꦺꦌꦤ꧀ꦢꦁꦩꦸꦫꦤ꧀ꦠꦶꦧꦚ꧀ꦗꦸꦂꦢꦶꦧꦭꦺꦏꦏꦺꦩꦤꦺꦃꦲꦶꦁꦏꦭꦶꦧꦼꦭꦸꦏ꧀꧈
ꦱꦗꦫꦃ
besut꧋ꦥꦩꦫꦺꦤ꧀ꦠꦃꦏꦧꦸꦥꦠꦺꦤ꧀ꦢꦌꦫꦃꦠꦶꦁꦏꦠ꧀꧇꧒꧇ꦧꦠꦁꦢꦶꦮꦔꦸꦤ꧀ꦩꦶꦠꦸꦫꦸꦠ꧀ꦈꦤ꧀ꦢꦁꦈꦤ꧀ꦢꦁꦤꦺꦴꦩꦼꦂ꧇꧙꧇ꦠꦲꦸꦤ꧀꧇꧑꧙꧖꧕꧇꧈ꦱꦶꦁꦢꦶꦲꦩꦺꦴꦠ꧀ꦱꦗꦼꦫꦺꦴꦤꦶꦁꦊꦩ꧀ꦧꦫꦤ꧀ꦤꦒꦫꦤꦺꦴꦩꦼꦂ꧇꧕꧒꧇꧈ꦠꦁꦒꦭ꧀꧇꧑꧔꧇ꦗꦸꦤꦶ꧇꧑꧙꧖꧕꧇ꦭꦤ꧀ꦲꦶꦤ꧀ꦱ꧀ꦠꦿꦸꦏ꧀ꦱꦶꦩꦤ꧀ꦠꦿꦶꦢꦭꦩ꧀ꦤꦼꦒꦼꦫꦶꦫꦶꦤꦺꦴꦩꦼꦂ꧇꧒꧐꧇ꦠꦲꦸꦤ꧀꧇꧑꧙꧖꧕꧇꧈ꦠꦁꦒꦭ꧀꧇꧑꧔꧇ꦗꦸꦭꦶ꧇꧑꧙꧖꧕꧇꧉
ꦒꦺꦪꦺꦴꦒꦿꦥ꦳ꦶ
besut꧋ꦱꦼꦧꦒꦶꦪꦤ꧀ꦒꦼꦝꦺꦮꦼꦮꦼꦁꦏꦺꦴꦤ꧀ꦏꦧꦸꦥꦠꦺꦤ꧀ꦧꦠꦁꦮꦸꦗꦸꦣ꧀ꦥꦼꦧꦸꦏꦶꦠꦤ꧀ꦭꦤ꧀ꦥꦒꦸꦤꦸꦔꦤ꧀꧈ꦢꦠꦫꦤ꧀ꦕꦺꦤ꧀ꦝꦺꦏ꧀ꦲꦶꦁꦱꦢꦮꦤꦶꦁꦥꦱꦶꦱꦶꦂꦭꦺꦴꦂꦲꦺꦴꦎꦥꦠꦶꦲꦩ꧀ꦧ꧉ꦲꦶꦁꦱꦶꦱꦶꦃꦏꦶꦢꦸꦭ꧀ꦢꦸꦩꦸꦤꦸꦁꦢꦠꦫꦤ꧀ꦢꦸꦮꦸꦂꦢꦶꦪꦺꦁ꧈ꦏꦤ꧀ꦛꦶꦥꦸꦕꦸꦏꦺꦒꦸꦤꦸꦁꦥꦿꦲꦸ(꧇꧒꧕꧖꧕꧇ꦩꦺꦠꦼꦂ)꧉
꧋ꦏꦧꦸꦥꦠꦺꦤ꧀ꦧꦠꦁꦢꦸꦩꦸꦤꦸꦁꦲꦶꦁꦏꦺꦴꦎꦂꦢꦶꦤꦠ꧀ꦧꦸ6o 51' 46"ꦔꦤ꧀ꦠꦶ7o 11' 47"ꦭꦶꦤ꧀ꦠꦁꦏꦶꦢꦸꦭ꧀ꦭꦤ꧀ꦲꦤ꧀ꦠꦫ109o 40' 19"ꦔꦤ꧀ꦠꦶ110o 03' 06"ꦗꦸꦂꦮꦺꦠꦤ꧀ꦲꦶꦁꦥꦱꦶꦱꦶꦂꦭꦺꦴꦂꦗꦮꦠꦼꦔꦃ꧉ꦗꦼꦩ꧀ꦧꦂꦮꦼꦮꦼꦁꦏꦺꦴꦤ꧀꧇꧗꧘꧘꧖꧔꧑꧖꧇ꦲꦺꦏ꧀ꦠꦂ꧉
ꦏꦧꦸꦥꦠꦺꦤ꧀ꦲꦶꦏꦶꦮꦼꦮꦠꦼꦱꦤ꧀:
| ing sisih lor karo: | ꦱꦼꦒꦫꦗꦮ |
| ing sisih kidul karo: | ꦏꦧꦸꦥꦠꦺꦤ꧀ꦮꦤꦱꦧ ꦭꦤ꧀ ꦏꦧꦸꦥꦠꦺꦤ꧀ꦧꦤ꧀ꦗꦂꦤꦼꦒꦫ |
| ing sisih kulon karo: | ꦏꦧꦸꦥꦠꦺꦤ꧀ꦥꦼꦏꦭꦺꦴꦔꦤ꧀ |
| ing sisih wétan karo: | ꦏꦧꦸꦥꦠꦺꦤ꧀ꦏꦼꦤ꧀ꦝꦭ꧀ |
ꦌꦏꦺꦴꦤꦺꦴꦩꦶ
besut꧋ꦥꦺꦴꦱꦶꦱꦶꦮꦶꦭꦪꦃꦏꦧꦸꦥꦠꦼꦤ꧀ꦧꦠꦁꦲꦤꦲꦶꦁꦗꦭꦸꦂꦌꦏꦺꦴꦤꦺꦴꦩꦶꦥꦸꦭꦺꦴꦗꦮꦱꦶꦱꦶꦃꦭꦺꦴꦂ꧉ꦲꦭꦶꦫꦤ꧀ꦠꦿꦤ꧀ꦱ꧀ꦥꦺꦴꦂꦠꦱꦶꦭꦤ꧀ꦩꦺꦴꦧꦶꦭꦶꦠꦱ꧀ꦱꦶꦁꦝꦸꦮꦸꦂꦲꦶꦁꦫꦸꦠꦼꦥꦤ꧀ꦠꦸꦫꦔꦶꦢꦶꦤꦶꦥꦔꦼꦩ꧀ꦧꦔꦤ꧀ꦮꦶꦭꦪꦃꦲꦶꦏꦶꦱꦶꦁꦕꦸꦏꦸꦥ꧀ꦥꦿꦺꦴꦱ꧀ꦥꦼꦏ꧀ꦠꦶꦥ꦳꧀ꦲꦶꦁꦱꦺꦏ꧀ꦠꦺꦴꦂꦭꦪꦤꦤ꧀ꦠꦿꦤ꧀ꦱꦶꦠ꧀ꦭꦤ꧀ꦠꦿꦤ꧀ꦱ꧀ꦥꦺꦴꦂꦠꦱꦶ꧉
꧋ꦏꦮꦺꦴꦤ꧀ꦠꦼꦤꦤꦶꦥꦸꦤ꧀ꦠ꧀ꦭꦠꦃꦏꦧꦸꦥꦠꦺꦤ꧀ꦧꦠꦁꦱꦶꦁꦩꦶꦤꦁꦏꦒꦧꦸꦔꦤ꧀ꦝꦲꦺꦫꦃꦥꦱꦶꦱꦶꦂ꧈ꦝꦠꦫꦤ꧀ꦕꦼꦤ꧀ꦝꦺꦏ꧀ꦱꦲꦥꦼꦒꦸꦤꦸꦔꦤ꧀꧈ꦤ꧀ꦢꦝꦺꦏꦏꦼꦤ꧀ꦏꦧꦸꦥꦠꦼꦤ꧀ꦧꦠꦁꦢꦸꦮꦺꦥꦺꦴꦠꦼꦤ꧀ꦱꦶꦲꦶꦁꦒꦼꦝꦺꦱꦔꦼꦠ꧀ꦏꦁꦒꦺꦴꦄꦒꦿꦺꦴꦮꦶꦤ꧀ꦢꦸꦱ꧀ꦠꦿꦶ꧈ꦄꦒꦿꦺꦴꦮꦶꦱꦠꦭꦤ꧀ꦄꦒꦿꦶꦧꦶꦱ꧀ꦤꦶꦱ꧀꧈
ꦥꦼꦤ꧀ꦝꦶꦝꦶꦏꦤ꧀
besut| ꦥꦼꦤ꧀ꦝꦶꦝꦶꦏꦤ꧀ꦥ꦳ꦺꦴꦂꦩꦭ꧀ | ꦠꦏ ꦲꦸꦠꦮ ꦫꦄ | ꦱꦢ ꦲꦸꦠꦮ ꦩꦆ | ꦱꦩꦥ ꦲꦸꦠꦮ ꦩꦰ | ꦱꦩꦄ ꦲꦸꦠꦮ ꦩꦄ | ꦱꦩꦏ | ꦥꦮꦶꦪꦠꦤ꧀ꦭꦸꦲꦸꦂ | ꦭꦶꦪꦤꦺ | |||||
|---|---|---|---|---|---|---|---|---|---|---|---|---|
| ꦤꦼꦒꦼꦫꦶ | 6 | 455 | 52 | 8 | 4 | 1 | 0 | |||||
| ꦱ꧀ꦮꦱ꧀ꦠ | 319 | 127 | 55 | 20 | 25 | 2 | 0 | |||||
| ꦠꦺꦴꦠꦭ꧀ | 325 | 582 | 107 | 28 | 29 | 3 | 0 | |||||
| ꦢꦠꦱꦼꦏꦺꦴꦭꦃꦲꦶꦁꦏꦧꦸꦥꦠꦺꦤ꧀ꦧꦠꦁ Sumber:[1][2][3][4] | ||||||||||||
ꦥꦥꦿꦺꦤ꧀ꦠꦲꦤ꧀
besut꧋ꦏꦧꦸꦥꦠꦺꦤ꧀ꦧꦠꦁꦏꦼꦠꦠꦱꦏꦶꦁ꧇꧑꧔꧇ꦏꦕꦩꦠꦤ꧀꧈ꦏꦕꦩꦠꦤ꧀ꦏꦕꦩꦠꦤ꧀ꦲꦶꦁꦏꦧꦸꦥꦠꦺꦤ꧀ꦧꦠꦁꦪꦲꦶꦏꦸ:
ꦥꦿꦠꦺꦭꦤ꧀ꦧꦸꦥꦠꦶ
besut| ꦤꦺꦴ | ꦥ꦳ꦺꦴꦠꦺꦴ | ꦧꦸꦥꦠꦶ | ꦩꦶꦮꦶꦠꦶꦗꦧꦠꦤ꧀ | ꦥꦸꦁꦏꦱꦤ꧀ꦗꦧꦠꦤ꧀ |
|---|---|---|---|---|
 ꦲꦶꦤ꧀ꦝꦶꦪꦮꦭꦤ꧀ꦝ
| ||||
| 1 | ꦥ꧉ꦄ꧉ꦱꦸꦫꦲꦢꦶꦤꦶꦁꦫꦠ꧀ | |||
| 2 | ꦫ꧉ꦄ꧉ꦄ꧉ꦥꦸꦱ꧀ꦥꦢꦶꦤꦶꦁꦫꦠ꧀ | ꧇꧑꧘꧇ꦥ꦳ꦺꦧꦿꦸꦮꦫꦶ꧇꧑꧘꧔꧗꧇ | ||
| 3 | ꦫ꧉ꦄ꧉ꦄ꧉ꦥꦸꦱ꧀ꦥꦢꦶꦤꦶꦁꦫꦠ꧀꧇꧒꧇ | ꧇꧑꧘꧇ꦩꦺꦲꦶ꧇꧑꧘꧖꧖꧇ | ||
| 4 | ꦫ꧉ꦠ꧉ꦱꦸꦫꦢꦶꦤꦶꦁꦫꦠ꧀ | ꧇꧒꧒꧇ꦎꦏ꧀ꦠꦺꦴꦧꦼꦂ꧇꧑꧘꧗꧐꧇ | ||
| 5 | ꦫ꧉ꦄ꧉ꦄꦱꦸꦂꦪꦄꦢꦶꦢꦶꦁꦫꦠ꧀ | ꧇꧑꧐꧇ꦩꦺꦲꦶ꧇꧑꧘꧘꧖꧇ | ||
| 6 | ꦫ꧉ꦩ꧉ꦄ꧉ꦄ꧉ꦝꦶꦥꦏꦸꦱꦸꦩ | ꧇꧒꧖꧇ꦩꦺꦲꦶ꧇꧑꧙꧑꧓꧇ | ꧇꧒꧗꧇ꦄꦒꦸꦱ꧀ꦠꦸꦱ꧀꧇꧑꧙꧓꧔꧇ | |
| ꦫꦺꦥꦸꦧ꧀ꦭꦶꦏ꧀ꦆꦤ꧀ꦝꦺꦴꦤꦺꦱꦶꦪ
| ||||
| 1 | ꦫ꧉ꦱꦢꦶꦥꦸꦂꦮꦥꦿꦤꦠ | ꧇꧘꧇ꦄꦥꦿꦶꦭ꧀ ꧇꧑꧙꧖꧖꧇ | ꧇꧓꧑꧇ꦩꦺꦲꦶ ꧇꧑꧙꧖꧗꧇ | |
| 2 | ꦫ꧉ꦲꦂꦪꦤꦥꦿꦗꦢꦶꦂꦗ | ꧇꧓꧑꧇ꦩꦺꦲꦶ ꧇꧑꧙꧖꧗꧇ | ꧇꧑꧐꧇ꦎꦏ꧀ꦠꦺꦴꦧꦼꦂ ꧇꧑꧙꧗꧒꧇ | |
| 3 | ꦱꦸꦪꦶꦠ꧀ꦤ | ꧇꧑꧐꧇ꦤꦺꦴꦮ꦳ꦺꦩ꧀ꦧꦼꦂ ꧇꧑꧙꧗꧒꧇ | ꧇꧒꧑꧇ꦩꦉꦠ꧀ ꧇꧑꧙꧗꧙꧇ | |
| 4 | ꦱꦸꦏꦶꦂꦗ | ꧇꧒꧑꧇ꦩꦉꦠ꧀ ꧇꧑꧙꧗꧙꧇ | ꧇꧑꧇ꦗꦤꦸꦮꦫꦶ ꧇꧑꧙꧘꧘꧇ | |
| 5 | ꦱꦸꦲꦸꦢ꧀ | ꧇꧒꧖꧇ꦗꦸꦭꦶ ꧇꧑꧙꧘꧘꧇ | ꧇꧒꧖꧇ꦗꦸꦭꦶ ꧇꧑꧙꧙꧓꧇ | |
| 6 | ꦩꦸꦱꦭꦶꦃꦌꦥ꦳꧀ꦥ꦳ꦺꦤ꧀ꦢꦶ | ꧇꧒꧖꧇ꦗꦸꦭꦶ ꧇꧑꧙꧙꧓꧇ | ꧇꧒꧖꧇ꦗꦸꦭꦶ ꧇꧑꧙꧙꧘ | |
| 7 | ꦗꦏꦥꦸꦂꦤꦩ | ꧇꧒꧒꧇ꦎꦏ꧀ꦠꦺꦴꦧꦼꦂ ꧇꧑꧙꧙꧘꧇ | ꧇꧗꧇ꦄꦒꦸꦱ꧀ꦠꦸꦱ꧀ ꧇꧒꧐꧐꧑꧇ | |
| 8 | ꦧꦩ꧀ꦧꦁꦧꦶꦤ꧀ꦠꦫ | ꧇꧑꧑꧇ꦥ꦳ꦺꦧꦿꦸꦮꦫꦶ ꧇꧒꧐꧐꧒꧇ | ꧇꧑꧑꧇ꦥ꦳ꦺꦧꦿꦸꦮꦫꦶ ꧇꧒꧐꧐꧗꧇ | |
| ꧇꧑꧑꧇ꦥ꦳ꦺꦧꦿꦸꦮꦫꦶ ꧇꧒꧐꧐꧗꧇ | ꧇꧑꧑꧇ꦥ꦳ꦺꦧꦿꦸꦮꦫꦶ ꧇꧒꧐꧑꧒꧇ | |||
| 9 | 
|
ꦪꦺꦴꦪꦺꦴꦏ꧀ꦫꦶꦪꦺꦴꦱꦸꦢꦶꦧꦾ | ꧇꧑꧒꧇ꦥ꦳ꦺꦧꦿꦸꦮꦫꦶ ꧇꧒꧐꧑꧒꧇ | ꧇꧑꧓꧇ꦥ꦳ꦺꦧꦿꦸꦮꦫꦶ ꧇꧒꧐꧑꧗꧇ |
| 10 | 
|
ꦮꦶꦲꦗꦶ | ꧇꧒꧒꧇ꦩꦺꦲꦶ ꧇꧒꧐꧑꧗꧇ | ꧇꧒꧒꧇ꦩꦺꦲꦶ ꧇꧒꧐꧒꧒꧇ |
| – | 
|
ꦭꦤꦶꦢ꧀ꦮꦶꦉꦗꦼꦏꦶ (ꦥꦼꦚ꧀ꦗꦧꦠ꧀) | ꧇꧒꧒꧇ꦩꦺꦲꦶ ꧇꧒꧐꧒꧒꧇ | ꦥꦼꦠꦲꦤ |
ꦥ꧀ꦊꦱꦶꦂꦫꦤ꧀
besutꦢꦼꦊꦁꦲꦸꦒ
besutꦫꦺꦥ꦳ꦼꦫꦺꦤ꧀ꦱꦶ
besut- ↑ "Referensi Data Pokok Pendidikan (DAPODIK)". Diarsip saka sing asli ing 2021-10-28. Dibukak ing 2020-12-12.
{{cite web}}: Unknown parameter|dead-url=ignored (|url-status=suggested) (pitulung) - ↑ "PSDKU UNDIP BATANG". Diarsip saka sing asli ing 2020-10-01. Dibukak ing 2020-12-15.
{{cite web}}: Unknown parameter|dead-url=ignored (|url-status=suggested) (pitulung) - ↑ "UNISS Batang". Diarsip saka sing asli ing 2022-05-31. Dibukak ing 2020-12-15.
{{cite web}}: Unknown parameter|dead-url=ignored (|url-status=suggested) (pitulung) - ↑ "STKIP MuhBat". Diarsip saka sing asli ing 2021-06-23. Dibukak ing 2020-12-15.
{{cite web}}: Unknown parameter|dead-url=ignored (|url-status=suggested) (pitulung)
ꦥꦿꦤꦭꦚ꧀ꦗꦧ
besut- ꦱꦶꦠꦸꦱ꧀ꦮꦺꦧ꧀ꦉꦱ꧀ꦩꦶ Archived 2008-12-29 at the Wayback Machine.