Tuduhaké menu pokok
Widura
Widura salah sijiné tokoh protagonis ing wiracarita Mahabarata
Widura salah sijiné tokoh protagonis ing wiracarita Mahabarata
Déwanagari: विदुर
Éjaan Sanskerta: Vidura
Jeneng liya: Yamawidura
Asal: Hastinapura, Karajan Kuru

Widura (Dewanagari: विदुर,IASTVidura, विदुर) ya iku salah sijiné tokoh protagonis sajeroning wiracarita Mahabharata. Widura iku adhik kuwaloné Pandu lan Dretarasta awit duwé bapak padha nanging ibu kang béda.[1] Bapaké Widura jenengé Resi Kresna Dwipayana Wyasa utawa Resi Byasa (Abyasa), nanging ibuné ya iku wong wadon saka kasta sudra.[1] Widura ora mèlu perang ing medan perang ing Kurukshetra, ya iku perang antarané Pandawa lan Korawa, putuné dhéwé.[1]

LairBesut

Ing kitab kang sepisanan Mahabharata, ya iku Adiparwa, dicritakaké yèn nalika Ambalika dikongkon kanggo ngadhep Resi Byasa kanggo éntuk katurunan, Ambalika malah wedi karo raine resi.[2] Kanggo Nuruti panjaluké maratuwané kang jenengé Satyawati, Ambalika ngirim salah sawijiné babu kanggo nemoni Resi Byasa dhéwékan ing kamar.[2] Babu iki ngladéni resi kanthi apik saéngga resi wicara yèn mengko anak kang dilairaké saka guwa garba babu iki bakal duwé solah bawa kang prasaja.[2] Resi Byasa nerangaké yèn anak kang bakal dilairaké babu iki jelmaan saka Déwa Dharma.[2] Nanging siji kang nggawé Satyawati kuciwa, ya iku anak kang bakal dilairaké ora saka katurunan mantuné nanging saka katurunan babu saka kasta sudra.[2]

Nalika isih enom Widura sinau kanthi dibimbing karo Bisma bareng karo seduluré kang cacahé loro.[2] Miturut Mahabharata, Widura paling duwé kawicaksanan tinimbang sadulur-seduluré.[2] Widura sinau dadi mantri raja, déné Pandu diangkat dadi panglima perang lan Dretarastra dipilih dadi putra makutha.[2] Awit Dretarastra wuta, Pandu nggantékaké lan dadi pamimpin nggenteni Dretarastra, nanging Widura dadi penasihat raja lan ngancani Dretarastra.[2]

Cathetan sukuBesut